Gikumpirma sa aktres nga si Bela Padilla ang ilang panagbulag sa ‘tech CEO’ nga si Martin Tan human sa pipila ka bulan nilang pag-date.
Sa iyang gipatik sa iyang social media account niadtong Setyembre 27, giingon ni Padilla nga nakadesisyon siya nga magpadayon sila sa tagsa-tagsa nilang dalan.
Matod niya, gipili niya kaniadto nga pribado ang ilang relasyon tungod kay kini ang iyang relasyon diin labing nabati niya ang iyang kaugalingon.
Matud pa sa aktres, nakaagi sila og daghang nindot nga higayon apan nakasinati usab og pinakalisod nga mga adlaw isip magtiayon sulod sa pipila ka bulan.
Wala niya isulti ang detalye sa hinungdan sa ilang panagbulag apan miingon siya nga usahay, ang paghigugma nagpasabot usab sa pagkahibalo kung kanus-a kinahanglan mobiya aron mapreserbar ang maayong mga butang nga ilang nakita sa usag usa.
Gipadayag usab ni Padilla nga sila ni Tan unang nakumpirma nga anaa sa relasyon sa sayong bahin sa Setyembre, samtang sumala kang Tan, walo na ka bulan ang ilang relasyon niadtong panahona.
