Doble ang pag-amping ni reigning World Boxing Council (WBC) welterweight champion Mario Barrios sa dihang iyang ikasangka si eight-division world champion Manny Pacquiao. Si Barrios ug Pacquiao gikatakdang magsangka karong Hulyo 19 sa MGM Grand Arena sa Las Vegas, Nevada.
Nasayod si Barrios nga adunay maayong record si Pacquiao sa pagboksing. Gikonsidera na siya nga boxing legend tungod sa kalampusan nga iyang naangkon sa iyang boxing career.
Usa si Pacquiao sa “mabagsik na kamao” nga maoy iyang nahimong armas sa pag-knockout sa pipila niya ka mga kaubang boxing legend. Bisan pa niini, wala’y gibati nga pressure si Barrios tungod kay siya ang reigning champion, nga labi nga nagdugang sa iyang pagsalig.
Daghan ang nagduda sa kapasidad ni Pacquiao, asa 46 anyos na ang nasampit ug giingong wala na sa iyang prime. Apan base sa mga video nga gipagawas sa Filipino champion sa iyang social media accounts, nagpabiling bangis ang iyang kamao, ug alang kang Pacquiao, wa niya makita nga problema ang iyang edad.
