GENERAL SANTOS CITY – Nagpadayon ang contract tracing sa Bula zone 2C human nagpagawas ug notice ang Barangay aron siradhan ang lugar lakip ang Bula Baptist Church.
Matud ni Barangay Bula Administrator Dexter Forro nga paningkamutan nga mahuman dayon ang gipahigayon nga lockdown aron pangitaon ang mga nakahimamat sa edaran nga lalaki nga kapin saysenta anyos ang panuigon.
Giadugang ni Forro nga kaniadtong Agusto 28 naadmit sa Mindanao Medical Center ang nahisgutang pasyente tungod sa massive pulmonary apan paglabay sa mga inadlaw giswab test ug nagpositibu sa COVID 19.
Tungod niini gisiradhan ang dalan nga nagsumpay sa Hicban subdivision ug ang tulo ka kalye nga naa sa sulod sa Bula zone 2 C aron magpahigayon ug contact tracing.
Gihangyo niini ang mga residente nga makig kooperar sa mga contact tracer nga muhimo ug pakisayod sa nakontak sa nahisgutang pasyente.
Naglaum ang opisyal nga gamay lamang ang nahimamat sa pasyente luyo nga nagbactract ang contact tracing team tungod ila pang sayron gikan sa maong petsa kinsa ang nakahimamat sa maong tawo.
