General Santos City | Gikaalarma ang nahibilin nga bagahe sa usa ka kan-anan sa Laurel St. Brgy Dadiangas North ning syudad kaganihang buntag. Gilayon nga nagrespondi ang ginsakpan sa Gensan EOD team kauban ang Gensan City Explosive Canine Unit og Regional Explosive Canine Unit 12 sa Gambalan Eatery human nadawat ang report.
Gikordon ang maong area og dayon gipahigayon ang mga proseso og pag-inspeksyon aron masayran ang unod sa maong butang. Nasuta nga unod sa maong nahibiling bagahe ang nagkadaiyang matang sa dokumento nga panag-iya sa usa ka nagpangalan og Lalaine Abdul nga residente Villaconsuelo Subdivision Brgy City Heights ning dakbayan.
Kahibaluan nga sa miaging semana sunod-sunod nga unattended baggage ang girespondihan sa kapulisan. Ang una sa Barrera Street Brgy Dadiangas South ning syudad nga gisundan sa bagahe nga nahibilin sa Bulaong Terminal.
