Milungtad pa og taas-taas nga mga oras una naibot ang usa ka dalaga sa Australia nga nahulog og pinabalitok taliwala sa duha ka dagkong bato human niini gisulayan pag kuhit ang iyang cellphone nga nahagbong atul sa paghike niini.
Naila ang maong babaye nga si Matilda Campbell, diin sumala sa report nga nagbaklay-baklay lamang kini sa may New South Wales’ Hunter Valley Region, dihang wala damha nga nashumoy kini taliwala sa duha ka perti ka dagkong bato.
Kahibaloan nga milungtad pa og pito ka oras ayha nkuha ang maong babaye gikan sa maong pagkabalitok.
Naglisod usab ang mga rescuers pagtang-tang sa maong dalaga tungod kay anaa man sa 500kg ang mga bato nga naka-ipit niini.
Sumala sa usa ka paramedic sa New South Wales Ambulance Service nga sa napulo niya ka tuig sa serbisyo, kini pa ang pinakalisod niyang naagihan sa pagtabang.
Sa kaulahian, nakuha ra ang maong dalaga nga aduna lamay mga minor injuries, apan gi-dimalas gihapon ang nasampit tungod wala gihapon niini nakuha ang iyang nahagbong nga cellphone.
