Gibisto ni Senator Ronald “Bato” dela Rosa nga ang mga artista Senator ang mga nagpasiugda matod pa sa subling pagbuhi sa pagpalagpot kang Senator Juan Miguel Zubiri isip Senate President.
Kini ang gibutyag ni Senator Bato taliwala sa mga istorya nga ang iyang gipahigayong imbestigasyon sa PDEA leaks ang matod pa ang rason sa pagkanaug ni Zubiri isip Senate President.
Sa usa ka interview, gibutyag ni Sen. Dela Rosa nga una pa man ang imbestigasyon sa matod pa PDEA leak aduna na matod pay ‘ouster move’ batok kang Zubiri nga gilangkoban matod pa ni Senator Jinggoy Estrada, butang nga napugngan lamang matud pa nila kaniadto.
Gihingusgan ni Bato, subli matod pa nga nabuhi ang ouster move batok kang Zubiri human nga wala matud pa niini gitugotan si Sen. Ramon “Bong” Revilla nga motambong sa mga session “online” tungod sa iyang naangkon nga foot injury, butang nga gikasuko usab sa uban pang mga artista senators sama nilang Sen. Robin Padilla, ug Sen. Jinggoy Estrada.
Samtang, sa karon wala gihapon tubag ang mga nasampit nga senador kabahin sa maong mga nahimong pahayag ni Sen. Dela Rosa.
