Ensaktong alas 5:49 sa hapon sa Febrero 05 dihang madawat ni Senate Secretary General Renato Bantug gikan kang House Secretary General Reginald Velasco ang kopya sa articles of impeachment batok kang Vice President Sara Duterte.
Kini human gi-indorso sa 215 miyembro sa Kamara ang impeachment complaint batok kang VP Sara.
Ang lakang halos duha ka bulan gikan nga napasang-at ang tulo ka impeachment complaints batok kang Duterte sa ubos nga kapulungan sa Kongreso.
Sa interview, gibutyag ni Senador Ronald “Bato” dela Rosa, ilado nga kaalyado ni VP Sara, nga gilauman na niya nga ma-impeach ang si VP Sara sa Kamara.
Gihingusgan sa Senador, nakita na niya ang grabeng paningkamot sa mga Kongresista nga mapalagpot ang ikaduhang presidente sa nasod.
Patiaw nga gibutyag ni dela Rosa nga dili patas tungod sila nga mga anaa sa Kamara ang mangampanya na og sila sa Senado ang kinahanglan nga himuon ang responsibilidad isip usa ka Senator Judge.
Si dela Rosa ang reelectionist sa pagkasenador.
Gihingusgan pa ni dela Rosa, ang impeachment ang usa ka political exercise apan isip mutindog nga judge, ipabilin matod pa niya nga mahimong patas bisan pa sa maayong relasyon nila kang VP Sara.
Tungod Pebrero 5 ang ulahing adlaw sa sesyon sa Kongreso gibutyag ni dela Rosa nga posibleng sa Hunyo na o pagkahoman na sa eleksyon kini ma-tackle sa plenaryo sa Senado.
Apan sumala ni House Secretary General Reginald Velasco nga ‘constitutional mandate’ sa Senado nga muhatag og aksyon sa impeachment complaint.
Gibutyag pa ni Velasco nga pwedeng mag-convene ang Senado kung mag-break tugnod kini ang legislative function sa taas nga kapulungan.
Ugaling mag-convene andam na usab ang mga mutindog nga prosecutor sa Kamara.
