Napuno og pagdayeg ang seasoned actress nga si Arlene Muhlach human gipaambit niini ang maayo nga balita kabahin sa iyang pagtapos sa Bachelor of Arts in Communication sa Philippine Womens University.
Gipakita sa 55-anyos nga aktres ang iyang graduation photo og mga hulagway usab sa seremonya sa Philippine International Convention Center (PICC).
Pahayag niini, nagsugod siya sa una sa ikatulo unta nga tuig sa kolehiyo aron nga pasulabihon ang iyang showbiz career og pamilya.
Sa pagkakaron, napamatud-an niini nga makab-ot niini ang iyang handum bisan sa iyang edad.
“Proving that it is never too late to fulfill a longstanding goal, I now have a degree in Bachelor of Arts in Communication from Philippine Women’s University,” pamahayag niini.
Gipasalamatan niini ang iyang professors og blockmates sa Expanded Tertiary Education Equivalency and Accreditation Program (ETEEAP) tungod sa ilang pagsalig sa iyang abilidad.
Malipayon usab si Arlene sa suporta sa iyang bana og mga anak ingon man ang pasensya sa iyang officemates sa Internal Revenue Services Department sa Commission of Appointments.
“Age is just a number, determination and passion are what truly matter,” kabahin sa mensahe sa aktres.
Lakip sa mitimbaya kaniya mao silang Gelli De Belen, Ruffa Gutierrez, Lara Quigaman, Nadia Montenegro, Rita Avila, og Edu Manzano.
Si Arlene nga igsuon ni Aga Muhlach nga nailhan sa mga pelikula sama sa “A Love to Last,” “Pangako Sa’yo,” “May ukas Pa,” og “Walang Hanggan.”
