GENERAL SANTOS CITY – Insakto lang alang kang Atty Rogelio Garcia, ang giduso nga anti-epal bill ni Sen. Manny Pacquiao.
Apan dugay na matud pa kining naundang tungod sa daghang komentaryo, gumikan dili gayud angayang ibutang ang pangalan ug litrato sa mga pulitiko sa mga proyekto gumikan gawas nga dili nila salapi ang gigamit, dili lamang usab sila ang bugtong naningkamot sa pagpasa niini, gumikan trabaho gayud nila nga muhimo ug mga balaod ug mga maayong proyekto, isip mga magbabalaod.
Hinuon, mas grabe matud pa kaniadto gumikan mas dagko ang mga pangalan ug litrato sa mga pulitiko sa mga proyekto sa gobyerno.
Apan angayan lamang matud pa ang giduso nga balaodnun ni Sen. Pacquiao, gumikan bisan gamay’ng silot, maayo gihapong masilutan ang mga ‘epal’ nga pulitiko.
