GENERAL SANTOS CITY – Wala pay nadawat nga guidelines ang LTO-GenSan ug mga traffic enforcers ning siyudadkalabot sa pagpatuman sa Anti-Distracted Driving Law.
Gikabutyag nga kasamtangan pa nila kining gipaabot hinungdan nga dili una mapatuman ang naasoy’ng balaod. Susama usab ang gibutyag sa labaw sa traffic enforcers ning siyudad nga si Dr. Bong Dacera, kung asa gipaniguro niini nga oras nga makadawat na ang iyang buhatan ug implementeng rules and regulation ilaha gilayong ipatuman ang naasoy’ng balaod.
Kahibaluan nga nakalatid sa maong balaod nga bawal ang distraction sa mga drivers samtang gamaneho og sakyanan. Lakip sa gidli ang pagtawag sa cellphone, pagtubag sa tawag, pag-text, pagdula ug game applications o uban bang mga gadget ug pagtan-aw sa online games o show bisag sa traffic og stop light.
Base sa nakalatid sa maong balaod, sa unang pagsupak magmulta og P5,000; second offense P10,000 og third offense mukabat sa P15,000 og suspensyon sa lisensya.
Lakip ang pedestrian nga ga-text og gatawag bisag galakaw sa dalan ang sikupon usab.
