Gikwestiyon sa usa ka senador ang Anti-Money Laundering Council (AMLC) kon nganong napakyas ang ahensya sa pag-detect sa kuwestiyonable ug ilegal nga transaksyon sa POGO sa Bamban, Tarlac.
Atol sa budget deliberation sa plenaryo diin gidepensahan ni Senate Finance Committee Chairperson Grace Poe ang AMLC, gipasabot ni Senate Minority Leader Koko Pimentel ngadto sa ahensya nganong nasuta sa buhatan ni Senador Grace Poe ang mga ilegal nga kalihokan sa gitaktak nga POGO ni Bamban nga si Mayor Alice Guo.
Matod niya, kon wala pa mobuto ang ilegal nga operasyon sa POGO sa mga pagdungog sa Senado, posibling dili mapasakaan og kaso si Guo nga nakalapas sa balaod may kalabotan sa money laundering.
Apan matod ni Poe, wala dayon ma-detect sa AMLC ang mga kalihokan sa pagpanguwarta ni Guo tungod kay walay mi-report o mi-report niini pinaagi sa suspicious transaction report (STR).
Matud pa ni Poe nga kinahanglan usab nga imbestigahon dinhi ang mga representante sa bangko tungod sa kapakyas sa pagtaho sa mga kadudahang transaksyon.
Gisuspetsahan sa AMLC ang posibleng panagkunsabo tali sa mga bangko, lokal nga representante sa mga bangko, ug mga sakop nga indibidwal nga responsable sa pagtaho sa mga ilegal nga transaksyon
