“Generally peaceful” ang paghinumdom sa All Saints’ Day kagahapon, Biyernes, Nobyembre 1, sumala sa General Santos City Police Office.
Matud ni City PNP Director Police Col. Nicomedes Olaivar Jr, nga walay natala nga untoward incident sa mga sementeryo, memorial parks bisan sa terminal, og uban pang pampublikong lugar atol sa pagduaw sa mga tawo sa mga mipanaw nga minahal sa kinabuhi.
Gibutyag ni Olaivar nga ang mga pulis nga anaa nagbantay sa nagkadaiyang sam-ang og uban strategic areas sama sa terminal, malls, mga kaliguanan ang magpabilin hangtod ugma, Nov. 3.
Kini aron masiguro ang seguridad sa katawhan og mapabilin ang kahapsay sa palibot.
Sa pamahayag niini, lauman nga aduna pay moadto ugmang adlawa sa mga sam-ang samtang daghang tawo ang mubiyahe aron magrelax og maglingaw-lingaw kauban ang ilang pamilya.
Samtang nagpahinumdom ang kapulisan sa publiko nga siguruhon ang seguridad sa ilang balay kung mubiya aron dili mabiktima sa mga kriminal.
