Gisilbihan og bag-ong warrant of arrest si kanhing Bamban, Tarlac Mayor Alice Guo nga adunay kalabotan sa tulo ka kaso sa paglapas sa Republic Act 3019 kon Anti-Graft and Corrupt Practices Act. Ang warrant, giisyu sa Pasig Regional Trial Court Branch 67, diin 11 pa ka indibidwal ang apil sa kaso.
Gitakda sa korte ang piyansa nga ₱90,000 sa matag kaso.Sa pagkakaron, anaa si Guo sa Correctional Institution for Women sa Mandaluyong City human siya nakombiktong guilty sa qualified human trafficking ug gisilotan og reclusion perpetua kon life imprisonment.
Gisentensiyahan usab og tibuok kinabuhi nga pagka-priso ang iyang pipila ka co-accused ug gimandoang mobayad og ₱2 million nga multa sa matag kaso.Subay sa mandato sa korte,gikumpiska pud ang ₱6-billion Baofu compound ug gibawi ang registration sa Baofu Land Development Inc., Hongsheng Gaming Technology Inc. ug Zun Yuan Technology Inc.
Padayon ang legal nga proseso sa bag-ong graft cases batok kang Guo ug sa uban pang akusado.
