Gipaambit sa aktres nga si Alexa Ilacad ang iyang makalingaw ug makapakilig nga higayon uban sa iyang dugay nang celebrity crush nga si Enchong Dee.
Sa iyang Instagram post niadtong Setyembre 6, gipakita ni Alexa ang usa ka throwback video gikan niadtong 2016 diin gihagit siya og ‘staring contest’ uban kang Enchong.
Apan imbes nga diretso siyang motan-aw sa aktor, dili mapugngan ni Alexa ang iyang pagkatawa ug pagkakilig atol sa maong challenge.
Samtang karong 2026, nasinati na usab ni Alexa ang laing kilig moment uban kang Enchong atol sa concert ni Yeng Constantino.
Atol sa performance ni Enchong, miduol kini kang Alexa nga nagkupot og bouquet sa mga bulak.
Sa wala pa siya mibalik sa entablado, gihalokan ni Enchong si Alexa sa aping. Tungod niini, mikatawa ug hapit na molukso sa iyang lingkuranan si Alexa tungod sa kakilig.
Sa iyang post, giingon ni Alexa nga si Enchong gihapon ang iyang forever crush sulod na sa kapin napulo ka tuig.
Dili usab kini unang higayon nga gipadayag ni Alexa ang iyang pagdayeg kang Enchong, diin niadtong 2018 iyang giangkon nga dugay na niyang crush ang aktor bisan wala pa siya mosulod sa showbiz.
Niadtong 2022, mibalik usab ang aktor sa maong kilig moment dihang iyang giingon nga crush usab niya si Alexa.
Samtang niadtong 2025, gipadayon ni Alexa ang iyang pag-angkon nga si Enchong gihapon ang iyang dugay nang gusto ug iyang gihulagway kini isip “forever and ever.”
Nalipay usab ang mga fans sa maong sweet ug makalingaw nga interaksyon sa duha ka artista.
