Wala makabante ang Filipina Tennis Star nga si Alex Eala sa sunod nga round human mapildi ni Jelena Ostapenko, 6-4, 7-5, sa Round of 16 sa Upper Austria Ladies Linz Open kagahapong adlawa , Abril 8, 2026.
Una nga nagpakita og maayong dula si Eala human niya gipangulohan ang duha ka sets. Nanguna siya og 4-2 sa unang set ug mas mipakita pa og maayo sa ikaduhang set sa dihang nakakuha siya og 4-0 nga labaw.
Bisan pa, nakabawi si Ostapenko ug gipakita ang iyang talagsaon nga kasinatian.
Ang Latvian player midaog og upat ka sunod-sunod nga dula aron makuha ang unang set, sa wala pa hingpit nga gidominar ang ulahing bahin sa ikaduhang set nga adunay unom ka sunod-sunod nga kadaugan aron maselyohan ang duwa.
Sa wala pa ang iyang kapildihan, malampuson nga gipildi ni Eala si Julia Grabher sa Round of 32 sa iskor nga 6-4, 6-3.
Samtang, kini usab ang unang kadaugan ni Ostapenko batok kang Eala sa usa ka WTA tournament.
Bisan pa sa kapakyasan, ang Filipina Tennis star gilauman nga mobalik sa aksyon sa Stuttgart Open sunod semana.
