Gikatakdang makigsangka ang Filipina tennis star nga si Alex Eala kang Leylah Fernandez sa Round of 32 sa Stuttgart Open sa Germany. Ang 23-anyos nga si Fernandez adunay dugong Pilipino kay ang iyang inahan usa ka Filipino-Canadian.
Nakaabot sa finals sa US Open si Fernandez niadtong 2021 samtang nakaabot siya sa quarterfinals sa French Open niadtong 2022.
Karon, siya anaa sa ika-25 nga ranggo human lang nakaabot sa Round of 16 sa Charleston Open ug nakaabot sa Round of 32 sa Miami Open.
Samtang si Eala bag-o lang nakaabot sa Round of 16 sa Linz Open, ang iyang unang pagpakita sa clay court karong season.
Ang duha mag-atbang lang sa singles match karong higayona, apan nag-atbang na sila sa doubles sa Abu Dhabi Open.
Si Eala kaniadto gipares ni Janice Tjen diin ilang gipildi sila si Fernandez ug Kristina Mladenovic.
