Mangulo ang beteranong setter nga si Jia de Guzman sa 14-ka-babaye nga roster sa Alas Pilipinas sa ika-33 nga Southeast Asian Games sa Thailand nga magsugod sa Disyembre 9.
Si De Guzman, kinsa mao ang team captain, giisip nga kasingkasing sa team nga gustong tapuson ang 20 ka tuig nga hulaw sa medalya sa nasud sa biennial tournament.
Sa lineup nga gipagawas kagahapong adlawa, posible pa nga adunay mga pagbag-o tungod kay sumala sa Presidente sa Philippine National Volleyball Federation nga si Tonyboy Liao, ang Brazilian Coach nga si Jorge Souza De Brito nangayo og pag-adjust sa roster ug naghulat pa sa pag-apruba gikan sa Philippine Olympic Committee.
Uban ni De Guzman sa pagdumala sa opensa mao ang Akari’s Mars Alba, samtang ang mga batan-ong bituon nga sila si Bella Belen, Alyssa Solomon, Angel Canino ug Shaina Nitura ang molangkob sa mga sharp spikers.
Motambong usab ang mga beteranong scorers nga sila si Eya Laure, Vanie Gandler ug Alleiah Malaluan. Sa frontline defense, sila si Dell Palomata, Amie Provido ug Maddie Madayag ang nanguna, samtang ang mga libero nga sila si Dawn Catindig ug Justine Jazareno ang nagbantay sa court.
Nakaabot ang Alas Pilipinas sa Finals sa AVC Nations Cup karong tuiga sa wala pa mapildi sa three-peat champion nga Vietnam.
