Miyukbo ang Alas Pilipinas sa ilang pareha nga walay pilde nga team nga Iran sa 2025 AVC Women’s Volleyball Nations Cup sa Hanoi, Vietnam kagahapong adlawa Hunyo 9.
Ang Alas Pilipinas napakyas sa kataposan batok sa kusgan nga Iran ug nahiagom sa unang kapildihan sulod sa lima ka set, 25-16, 21-25, 26-24, 23-25, 13-15.
Nasayang ang solidong performance ni Angel Canino, nga naglakip sa 20 puntos, 17 ka ataki, duha ka block ug usa ka ace alang sa Alas Pilipinas.
Gipangulohan ni Fatemeh Khalili ang cardiac nga kadaugan sa Iran pinaagi sa iyang 21 puntos, 19 ka atake ug duha ka block.
Ang Iran ningsaka sa tumoy sa standing sa Pool B bitbit ang limpyo nga 3-0 nga baraha samtang si Alas mitala og 2-1 nga baraha.
Sunod nga makigsangka ang Philippine squad sa New Zealand karong Hunyo 11.
