Gipahibalo sa Holy See Press Office nga ang Misa Pro Eligendo Romano Pontifice o Misa alang sa pagpili sa bag-ong Santo Papa ipahigayon sa Mayo 7, 2025 sa alas 10 sa buntag (alas 4 sa hapon, oras sa Manila) sa St. Peter’s Basilica, nga pangulohan ni Cardinal Giovanni Battista Re, Dean of the College of Cardinals.
Samtang, sa Lunes, Mayo 5, 2025, alas 5:30 sa hapon. (11:30 p.m., oras sa Pilipinas), ang pagpanumpa sa mga opisyal ug kawani sa Conclave sa Pauline Chapel sa Vatican Apostolic Palace. Lakip sa manumpa mao ang mga pari, madre, doktor, guwardiya, ug ubang mga personahe sa maong dapit.
Pormal nga magsugod ang Conclave sa Miyerkules, Mayo 7, alas 4:30 sa hapon. (10:30 p.m., oras sa Manila) kung kanus-a mosulod ang Cardinal Electors sa Sistine Chapel aron sugdan ang proseso sa pagbotar sa sunod nga Santo Papa.
Ang mga Cardinals magsul-ob ug tradisyonal nga ecclesiastical attire ug maglakaw sa usa ka espirituhanong prosesyon paingon sa Sistine Chapel samtang ang Veni Creator Spiritus gikanta.
Hugot nga seguridad ang ipatuman ug limitado lang ang mga tawo nga pasudlon sa Conclave.
