GENERAL SANTOS CITY – Gisugdan na sa opisina sa Antonio Acharon Memorial Park (ACAMP) ang pagpangandam sa matigayon nga kalag-kalag.
Matud pa kang Mary An Bacar ang tigdumala sa maong sementeryo nga sa pagsulod sa bulan sa Oktobre nagsugod na sila sa pagpreparar.
Sa iyang pamahayag nga kadtong mga gilubong tuig 2013 nga karon ilang gi-exhume og kung gusto nga ibalhin sa individual bone chamber ang bayad ang singlon sa kalag-kalag.
Matag tuig P1,000 ang singil sa lokal nga gobyerno sa mga mahal sa kinabuhi nga anaa sa individual bone chamber.
Ang walay pamilya nga maghangyo nga ibalhin sa individual bone chamber ang ilang ibutang sa common bone chamber area.
Ang panawagan ni Bacar ngadto sa mga ginikanan nga dili na dad-on ang mga bata sa pag-adto sa ACAMP sa kalag-kalag gumikan sa kainit sa panahon.
Ang iyang awhag sa katawhan nga sundon ang tanang patakaran aron mahimong hapsay ang kasaulogan.
Gibutyag pa ni Bacar nga walay lubong sa ACAMP sugod October 31, November 1, 2 and 3, 2019.
