-- ADVERTISEMENT --
Gideklara sa Malacañang ang Abril 1 isip regular holiday sa tibuok nasud isip pag-obserbar sa Eid’l Fitr o pagtapos sa Islamic festival nga Ramadan. Kagahapon Huwebes, gipirmahan ni President Ferdinand Marcos Jr. ang Proclamation 839 human sa rekomendasyon sa National Commission on Muslim Filipinos.
Nalatid sa nasangpit nga proklamasyon nga gideklarar ang regular holiday aron ang katawhang Pilipino makaduyog sa ilang mga kaigsoonang Muslim sa pag-obserbar sa Eid’l Fitr.
Ang nasangpit nga deklarasyon gibase sa nalatid sa Republic Act 9177 nga nagdeklarar sa Eidl Fitr isip regular holiday sa tibuok nasud.
