GENERAL SANTOS CITY – Dili uyon ang kadagahnan sa mga nanag-iya ug sari-sari store nga dili na mamahimong mamaligya ang maong mga matang sa negosyo og tambal.
Kahibaluan nga kung buot sa maong mga klase sa tindahan nga maligya ug tambal kinhahanglan nga mag-apply sila una makabaligya ug over the counter nga mga tambal.
Sa oras nga mahatagan ug authorization sa Food and Drug Administration kon FDA ang usa ka sari-sari store mao lamang kana ang higayon nga mamahimong makabaligya ug tambal.
Sumala kang Madzilita Lonzaga, tagiya sa sari- sari store sa dakbayan nga dili mamahimo nga bawalan sa FDA ang pagbaligya nila ug tambal gumikan may mga lugar nga layo sa mga pharmacy.
Gihingusgan pa nila nga dili fake ang ilang tambal gumikan gipalit sa mga pharmacy una ibaligya o i-display sa tindahan
Una niini gimanduan sa Department Internal Local Government (DILG) nga ilang gimaduan ang mga local government units (LGU) sa matag barangay nga magpagaws ug memorandum alang sa crackdown sa pagbaligya ug mga tambal sa mga sari sari stores lakip niini ang paggukod usab sa mga pekeng tambal.
Samtang gimanduan na usab ang kapulisan nga sikopon ang mga musupak sa maong balaod.
