-- ADVERTISEMENT --
Gisugyot sa Pilipinas ang pagtukod og panrehiyong tipiganan sa pagkaon ug humay isip pagpangandam sa posibleng grabeng epekto sa El Niño sa Southeast Asia.
Paningkamotan ni Trade Secretary Cristina Roque nga maipasulod ang maong sugyot sa ASEAN aron mapalig-on ang suplay sa pagkaon ug malikayan ang pagsaka sa presyo sa mga batakang palaliton.
Base sa pagtuon, posibleng maapektuhan sa kusog nga pag-ulan ug hulaw ang pipila ka nasud sa rehiyon, lakip ang Pilipinas, Brunei, Singapore, Thailand, Cambodia ug Vietnam.
Kaniadto, ang hulaw nga dala sa El Niño nakaresulta na sa pagkunhod sa ani sa humay sa Pilipinas ug Vietnam.











