-- ADVERTISEMENT --
Dako ang kasubo nga gibati ni Mike Labnawan, usa sa mga boarder nga naapektuhan sa sunog sa Barangay City Heights kagahapong adlawa, human nasunog ang iyang mga tinigom nga mokabat sa P100,000.
Matud ni Labnawan, gitago niya ang maong kantidad sulod sa alkansiya nga gikan sa iyang hinaguan isip massage therapist. Apan, wala na kini maluwas human matupok sa kalayo ang ilang gipuy-ang boarding house. Matud pa niya, wala gyud siyay bisan unsang gamit nga naluwas gikan sa sunog.
Tungod niini, nanawagan si Labnawan sa mga tawo nga adunay ikatabang alang kanila nga naapektuhan sa maong insidente, ilabina sa pagsugod pag-usab sa ilang kinabuhi human sa dakong kapildihan











