Nakatakda nga magpahigayon og unang three-way meeting si US President Donald Trump, Russian President Vladimir Putin, ug Chinese President Xi Jinping sa Shenzhen sa sunod semana, atol sa sidelines sa Asia-Pacific Economic Cooperation o APEC Summit.
Sumala sa White House, gitinguha ni Trump nga hisgotan sa maong panagtigom sa Huwebes ang pagpakunhod sa nuclear arsenals sa tibuok kalibotan, lakip na ang nagpadayong gubat sa Amerika batok sa Iran.
Apan, dili gilauman nga hisgotan ang gubat sa Russia batok sa Ukraine tungod kay adunay lahi nang negosasyon nga gipangunahan sa Washington tali sa Kyiv ug Moscow, diin dili apil ang China.
Mouban kang Trump sa iyang biyahe si Tesla ug SpaceX CEO Elon Musk, apan dili kini moapil sa maong panagtigom. Maghimo usab og bulag nga bilateral working lunch sila ni Xi, apan walay nakatakda nga one-on-one meeting tali nila ni Putin.
Giklaro usab sa mga opisyal sa Amerika nga dili hisgotan sa panagtagbo nila ni Trump ug Xi ang pagbiya ni Nvidia CEO Jensen Huang, ingon man ang export controls sa Estados Unidos batok sa sensitibong chip technology.
Sa dili pa molarga paingon sa China, gikatakdang mobiya si Trump sa Washington sa Lunes ug gilauman nga moabot sa Pilipinas sa Martes aron motambong sa ASEAN Summit.
