Nagbitiw sa pagka-bise presidente sa Indonesia si Gibran Rakabuming Raka, anak ni kanhi Indonesian President Joko Widodo, niadtong Miyerkules, Nobyembre 11.
Gisumite ni Gibran ang iyang resignation ngadto kang Indonesian President Prabowo Subianto, kinsa iyang nahimong running mate atol sa 2024 presidential elections.
Nalambigit ang iyang pagbiya sa posisyon sa mga pangutana bahin sa iyang kwalipikasyon human siya makadaog sa eleksyon niadtong 2024.
Base sa election rules sa Indonesia, kinahanglan og 40 anyos ang usa ka kandidato aron makadagan sa pagka-bise presidente, apan 36 anyos pa lamang si Gibran sa dihang gisumite niya ang iyang kandidatura.
Gihisgotan usab ang desisyon sa Constitutional Court kalabot sa iyang educational qualifications ug sa minimum nga gikinahanglang high-school qualification alang sa maong posisyon.
Nagdaog sila ni Prabowo sa 2024 elections pinaagi sa landslide victory human makakuha og 58.8 porsyento sa kinatibuk-ang boto.
