Gilauman nga makasinati og delikadong lebel sa kainit ang 16 ka lugar sa Pilipinas karong Martes, diin posibleng moabot sa 43 degrees Celsius ang heat index, sumala sa state weather bureau.
Base sa pinakabag-ong heat index forecast sa Philippine Atmospheric, Geophysical and Astronomical Services Administration (PAGASA), lakip sa mga lugar nga makasinati og 43°C nga heat index ang Iloilo City, San Jose sa Occidental Mindoro, ug Catarman sa Northern Samar.
Samtang, ang mosunod nga mga lugar gilauman usab nga makasinati og 42°C nga heat index:
– Ilocos Region
– Bacnotan, La Union
– Central Luzon
– Camiling, Tarlac
– Calabarzon
– Sangley Point, Cavite City, Cavite
– Mulanay, Quezon
– Mimaropa
– Cuyo, Palawan
– Bicol Region
– Daet, Camarines Norte
– Legazpi City, Albay
– Virac, Catanduanes
– Roxas City, Capiz
– Negros Island Region
– Siquijor, Siquijor
– Eastern Visayas
– Borongan, Eastern Samar
– Zamboanga Peninsula
– Dipolog, Zamboanga del Norte
– Zamboanga City, Zamboanga del Sur
Nagpahimangno usab ang PAGASA nga ang dugay nga pagkabulad sa lawas sa grabeng kainit mahimong hinungdan sa heat cramps o pagkulob sa kaunoran, heat exhaustion o grabeng kakapoy tungod sa kainit, ug mahimo usab kining mosangpot sa heat stroke nga delikado ug posibleng makamatay.
