Mubalik sa entablado sa beauty pageant ang Filipina beauty queen nga si Michelle Dee
Kagahapong adlawa Oktubre 26, opisyal nga gikumpirma sa Miss Grand International (MGI) All Stars nga si Michelle usa sa mga kandidata nga makigkompetensya sa maong kalihokan nga ipahigayon karong Disyembre.
Ang aktres mismo ang nagkumpirma niini ug nagpasalamat sa tanang suporta nga iyang nadawat sukad niadtong 2023.
Si Michelle gikoronahan isip Miss Universe Philippines niadtong 2023; ug sa dihang girepresentahan niya ang Pilipinas sa internasyonal nga entablado, nakadaog siya og pipila ka mga espesyal nga pasidungog ug nakasulod sa Top 10.
Apil usab siya kaniadto sa Miss World niadtong 2019, diin nakasulod siya sa Top 12.
Karong tuiga, gipahigayon ang unang edisyon sa MGI All Stars, diin si Vanessa Pulgarin gikan sa Colombia ang gikoronahan isip mananaog.
Sa ikaduhang edisyon, uban ni Michelle ang uban pang mga Filipino nga sila si Alexie Brooks ug Anne Patricia Diaz.
