Mikab-ot sa bag-ong rekord nga labing ubos ang kantidad sa Philippine peso batok sa US dollar human kini misira sa P63.95 kada dolyar niadtong Lunes, Oktubre 26, 2026.
Milabaw kini sa miaging record low nga P63.615 kada dolyar nga natala niadtong Biyernes, Oktubre 23.
Sa wala pa ang opisyal nga pagsira sa patigayon, miabot usab sa P63.95 ang peso atol sa intraday trading.
Kini na ang ika-32 nga higayon karong tuiga nga nakarekord ang peso og bag-ong labing ubos nga kantidad batok sa dolyar.
Sumala sa financial analyst nga si Rogel Morales, naglaum siya nga makabawi pa ang peso, apan giingon niya nga lisod na kontrolon ang dagan sa patigayon.
Dugang pa niya, usa sa mga nag-unang hinungdan sa pagluya sa peso mao ang pagkakusog sa dolyar, nga gisuportahan usab sa mga lakang sa Estados Unidos.
