Padayon sa pagmonitor ang Department of Migrant Workers o DMW sa kahimtang sa mga Pilipino sa Italy ug France kalabot sa nagkasumpaking protesta sa maong nasud niadtong miaging semana.
Sumala kang DMW Secretary Hans Leo Cacdac, padayon ang ilang koordinasyon sa Philippine Embassy sa Paris, Milan ug Rome.
Gipasabot usab sa ahensya nga abri kanunay ang ilang linya sa komunikasyon alang sa mga Pilipino nga nanginahanglan og dinaliang tabang, bisan unsa pa ang mahitabo.
Samtang, mihupa na ang tensiyon sa mga lugar diin nahitabo ang mga protesta. Kontrolado na usab sa mga otoridad nga tigpatuman sa balaod ang sitwasyon human sa nagkasumpaking mga rally sa Europe.
Matod sa Department of Foreign Affairs, walay mga Pilipino nga nadamay o naapektuhan sa dinagkong protesta sa France ug Italy.
Nagpagawas usab og pahibalo ang Philippine Consulate General sa Milan nga nag-awhag sa mga Pilipino nga mag-amping pag-ayo taliwala sa kagubot.
