Tickets sa Glastonbury festival 2027 na-sold out agad

Dali ra kaayong nahurot ang mga tiket para sa Glastonbury Festival 2027.

Sumala sa mga organizers, nahurot ang mga tiket sulod sa 42 minutos human kini gibaligya.

Liboan ka mga tawo ang miapil sa online queue nga naglaum nga makakuha og mga tiket sa sikat nga festival nga gipahigayon sa Worthy Farm sa Somerset, United Kingdom.

Ang pinakamahal nga presyo sa tiket para sa nahisgutang festival moabot og kapin sa P32,000.

Ang nahisgutang festival ipahigayon gikan sa Hunyo 23 hangtod 27.

Wala pa gipahibalo sa mga organizers kung kinsa ang mga artista ug banda nga ilang giimbitar nga mopasundayag.