Gipamatud-an pag-usab sa Bombo Radyo Philippines ang kahanas niini sa natad sa pagpamahayag human makadaog sa 29th Golden Dove Awards sa Kapisanan ng mga Brodkaster ng Pilipinas o KBP.
Lakip sa mga gipasidunggan ang Star FM Bacolod isip Best FM Radio Station – Provincial, Bombo Radyo Roxas alang sa Best Radio Station Promotional Material, ug Bombo Radyo Koronadal isip Best Sports Program.
Samtang, walo pa ka finalist entries gikan sa Bombo Radyo Philippines ang mirepresentar sa network sa nagkalain-laing mga kategorya.
Lakip niini ang
Best AM Radio Station – Provincial alang sa Bombo Radyo Iloilo;
Best FM Radio Station – Metro Manila alang sa Star FM Manila;
Best Newscast – Metro Manila alang sa Bombo Network News;
Best Newscast – Provincial alang sa Bombo Radyo Cagayan de Oro ug Bombo Radyo Iloilo;
Best Special Program alang sa Bombo Radyo Cebu;
Best Public Service Announcement alang sa Star FM Baguio; ug
Best Radio Station Promotional Material alang usab sa Star FM Baguio.
Ang maong mga pasidungog dugang nga pag-ila sa padayong paningkamot sa Bombo Radyo Philippines sa paghatod og kalidad nga balita, makahuluganon nga mga programa ug serbisyo publiko ngadto sa mga Pilipino sa tibuok nasud.
Mas nahimong makahuluganon ang maong mga pasidungog samtang gisaulog sa Bombo Radyo Philippines ang ika-60 ka tuig niini sa Media Excellence — unom ka dekada sa paghatod og balita, impormasyon ug serbisyo sa tibuok nasud.
Ubos sa pagpangulo sa Chairman sa Bombo Radyo Philippines nga si Dr. Rogelio M. Florete ug President and CEO Margaret Ruth C. Florete, padayon nga gipalambo sa Bombo Radyo Philippines ang kahanas, balanse ug responsableng pagpamahayag.
Gipahinungod usab sa Bombo Radyo Philippines ang maong pasidungog ngadto sa mga tigpaminaw ug tig-sunod niini nga padayon nga misalig ug misuporta sa network.
Bombo Radyo Philippines, The Number 1 Radio Network in the Country. Your Trusted Source of News and Information.
Basta Radyo… Bombo!
