Mipasalig si Senador Robinhood “Robin” Padilla nga motambong siya pag-usab sa mga proceedings sa Department of Justice o DOJ may kalabotan sa reklamong obstruction of justice batok kaniya.
Ang reklamo gi-file sa PNP-Criminal Investigation and Detection Group tungod sa alegasyon nga mitabang si Padilla kang Senator Ronald “Bato” Dela Rosa sa paglikay sa pagdakop niadtong Mayo.
Niadtong Septiyembre 25, mitambong si Padilla sa unang preliminary investigation sa DOJ, diin wala pa niya masumite ang iyang counter-affidavit tungod kay aduna pay mga dokumentong gikinahanglan gikan sa complainant.
Gihatagan usab og dugang panahon ang kampo ni Padilla alang sa pagsumite sa counter-affidavit, nga gitakda na sa Nobyembre 12.
Samtang, ang sunod nga preliminary investigation hearing gitakda sa Oktubre 9, diin ang iyang mga abogado ang gilauman nga motambong alang kaniya.
Padayon nga gisusi sa DOJ prosecutors ang reklamo ug mga dokumento aron matino kung adunay igong basehan alang sa posibleng pagsaka sa kaso sa korte.
