Gikumpirma sa tigpamaba ni Senator Loren Legarda nga gusto na siyang makabalik sa Pilipinas sa labing dali nga panahon, apan wala pa matino ang petsa sa iyang pagbalik gikan sa France.
Sumala kang Atty. Tony La Viña, nagdepende ang pagbalik ni Legarda sa iyang ginabuhat nga medical treatment. Matud niya, padayon usab nga gimonitor ni Legarda ang impeachment proceedings batok kang Vice President Sara Duterte.
Dugay nang anaa sa France si Legarda ug molungtad hangtod Oktubre 9 ang iyang medical leave sa Senado.
Gilimod usab ni La Viña nga gilikayan sa senador ang mga alegasyon batok kaniya nga may kalabotan sa imbestigasyon sa Ombudsman.
Samtang, giingon ni La Viña nga wala makita ni Legarda nga kabahin sa bisan unsang pressure o intimidation ang kaso nga giatubang nila sa iyang anak nga si Batangas Representative Leandro Leviste.
Matud niya, bulag kini sa impeachment proceedings.
Mahitungod sa iyang pag-apil sa impeachment vote, giingon ni La Viña nga dili pa klaro kung makabalik ba si Legarda sa dili pa ang botohan.
Sumala kaniya, posible pa nga molungtad hangtod Nobyembre o Disyembre ang proceedings, busa naglaom sila nga makabalik na ang senador sa dili pa kini matapos.
