Nagtuo si House prosecutor Atty. Lorna Kapunan nga ang dayag nga pag-ila ni Davao City Mayor Sebastian “Baste” Duterte sa mga kontrata sa Gencorp Industries Inc. mahimong ikonsiderar nga direct admission sa conflict of interest.
Gikutlo sa abogado ang ₱33.3 milyon nga kantidad sa mga kontrata sa Gencorp Industries Inc. sa Davao City, nga kasamtangang gipangulohan sa kanhing presidential son.
Una nang giila ni Mayor Baste nga girepaso sa LGU ang mga kontrata sa Gencorp ug nadeterminar nga moabot kini sa ₱33.263 milyon.
Ang maong kantidad gibahin ubos sa 19 ka kontrata.
Matod ni Atty. Kapunan, mahimong ikonsiderar ang pahayag ni Mayor Baste isip admission sa conflict of interest ni Vice President Sara Duterte, nga giingong adunay bahin sa operasyon sa maong kompanya.
Ang Gencorp usa sa mga kompanya nga nalista sa Statement of Assets, Liabilities and Net Worth o SALN sa bise presidente.
Una na usab nga miingon si Mayor Baste nga wala siya masayod sa giingong interes ni VP Sara sa maong kompanya.
