Gimandoan ni Presidente Ferdinand Marcos Jr. ang Department of Education, DILG ug Philippine National Police nga magsumite og report bahin sa mga lakang nga ilang gipatuman aron mapalig-on ang seguridad sa mga eskwelahan human sa pagpamusil sa Banga National High School sa South Cotabato.
Gimando usab sa Presidente ang hugot nga imbestigasyon sa maong insidente, lakip ang pagsuta kung giunsa pagkupot o pagkakuha sa menor de edad ang armas ug giunsa kini pagdala sulod sa eskwelahan.
Matod niini nga ikatulo na kini nga insidente sa pagpamusil sa eskwelahan nga miresulta sa kamatayon sulod sa tulo ka bulan, human sa mga susamang insidente sa Tacloban ug Zamboanga.
Gipasiguro usab sa Presidente nga mahatagan og gikinahanglang tabang ug medikal nga pag-atiman ang mga naangol, samtang nagpahayag usab siya og pakikiramay sa mga pamilya nga nawad-an og mga minahal sa kinabuhi.
Gipahayag usab niya nga magpatuman ang gobyerno og dugang nga mga lakang aron matubag ang mga kakulangan sa seguridad ug mapalambo ang proteksyon sa mga estudyante.
