7 anyos nga bata, nakahupot sa record isip pinakabatang babaye nga yoga instructor sa kalibutan

Nakasulod sa Guinness World Records si Phoenix Giselle Hicks gikan sa Houston human niya makompleto ang 200 hours nga training aron mahimong pinakabatang babaye nga yoga instructor sa kalibutan.

Lima ka tuig pa lang si Hicks sa dihang nahuman niya ang maong training.

Matod ni Hicks, ganahan siya nga mosulay og bag-ong mga butang ug maglingaw samtang nagkat-on.

Karon nga pito na siya ka tuig, padayon gihapon siya sa pagtudlo og yoga.

Gipahayag ni Hicks nga nalipay ug mapasalamaton siya nga nahimong inspirasyon sa mga bata sa tibuok kalibutan nga sundon ang ilang mga damgo bisan unsa pa sila kabata.