Ihap sa mga patay nga lawas nga narekober sa nasunog nga MV June Aster anaa na sa 35

Miabot na sa 35 ang gidaghanon sa mga patayng lawas nga nakuha gikan sa nasunog nga MV June Aster. Matod pa sa tigpamaba sa Philippine Coast Guard (PCG) nga si Commodore Noemie Cayabyab, nakit-an ang mga patayng lawas human napawong ang kalayo sa maong barko. Gidala ang mga patayng lawas ngadto sa pantalan sa Borac sa Coron, Palawan, sakay sa BRP Cape Engaño. Sa wala pa kini nga pagpangita ug pagkuha sa mga patayng lawas, lima na ang gikumpirmang namatay samtang 43 ka mga tawo ang naluwas. Nasunog ang barko sa gabii sa Miyerkules, Septiyembre 9, didto sa kadagatan sa Coron, Palawan. Nagpadayon ang mga awtoridad sa operasyon sa pagpangita ug pagkuha sa mga pasahero nga gikatahong nawala.