Nagtuo si Department of Justice Secretary Frederick Vida nga lehitimo o adunay kamatuoran ang kabalaka nga gibati ni Vice President Sara Duterte alang sa iyang kaluwasan.
Giangkon niya nga nasubo siya sa dihang miingon ang Bise Presidente nga “I don’t feel safe” atol sa iyang pag-adto sa Quezon City Regional Trial Court.
Nag-atubang og kasong grave threats si Vice President Duterte ug nagpiyansa human gi-isyu-han og warrant of arrest sa korte.
Matud ni Vida, dili angay pasagdan lamang ug hukman ang gibati sa usa ka indibidwal, apan dili na siya gustong magbanabana kung unsa ang hinungdan sa maong pahayag.
Bisan pa niini, nagtuo si SOJ Vida nga andam ang mga otoridad ug ilang tumanon ang ilang katungdanan aron maseguro ang kaluwasan sa Bise Presidente ug sa tanang Pilipino.
