Posible nang masulbad karong tuiga ang unang mga kaso nga may kalabotan sa flood control scandal nga kasamtangang gidungog sa Sandiganbayan.
Atol sa Senate Finance Committee deliberation alang sa proposed budget sa Judiciary sa 2027, gipahayag ni Sandiganbayan Presiding Justice Geraldine Faith Econg nga posible nang makapagawas og desisyon ang korte bahin sa conviction o acquittal sa mga akusado.
Sumala kang Justice Econg, ang pinakaunang kaso nga gisang-at sa Office of the Ombudsman niadtong Nobyembre 18, 2025 paspas nga miuswag ug naa na karon sa defense stage bisan wala pa molapas og usa ka tuig.
Dugang sa opisyal nga kung masunod ang probisyon sa Speedy Trial Act nga gitakda sa Korte Suprema, dako ang posibilidad nga mahuman ug mapagdesisyunan na ang maong kaso sa dili pa matapos ang tuig.
Lakip sa mga high-profile nga personalidad nga gidakop ug nakakulong karon tungod sa giingong kalambigitan sa flood control scandal sila kanhing House Speaker Martin Romualdez ug Senator Jinggoy Estrada.
