Patay ang 25 ka tawo human nasunog ang usa ka foreign-flagged cargo ship nga anaa sa pantalan sa Qingdao, China, sumala sa Chinese state broadcaster CCTV.
Sa 42 ka tawo nga sakay sa barko, 17 ang na-evacuate, diin lima kanila ang gidala sa ospital ug anaa sa maayo nga kondisyon.
Nahitabo ang sunog alas 11:15 sa buntag, samtang gipailalom sa maintenance ang barko sa usa ka shipyard sa Qingdao ug napalong kini kapin tulo ka oras human misugod ang sunog.
Base sa mga hulagway nga gipagawas sa Chinese state media, ang barko mao ang Ocean Melody, usa ka 190 meters ang gitas-on nga carrier nga rehistrado ubos sa bandera sa Liberia ug miabot sa Qingdao niadtong Agosto 31.
Wala pa mahibaloi ang hinungdan sa sunog, samtang sumala sa usa ka nakasaksi, baga ang aso nga migawas gikan sa barko apan wala siya makadungog og pagbuto.
Gimandoan usab ni Chinese President Xi Jinping ang bug-os nga paningkamot sa search and rescue operation, samtang gipadayag ni Premier Li Qiang ang panginahanglan nga malikayan ang posibleng sunod nga mga katalagman.
