Gibira pinaagi lamang sa pisi sa mga boluntaryo sa Japan ang usa ka kastilyo nga mokabat sa 360 ka tonelada, isip kabahin sa pagpreserba sa makasaysayanong istruktura.
Miabot sa 1,800 ka tawo ang nitambong sa pagbalhin sa Hirosaki Castle sa Aomori Prefecture, diin nagpulihanay ang mga grupo sa pagbira sa 30-meters nga pisi nga konektado sa kastilyo.
Kapin duha ka metros ang ilang nahimo nga pagbalhin sa kastilyo sulod sa duha ka adlaw gamit ang tradisyonal nga pamaagi nga gitawag og “hikiya,” diin gibutang ang building sa riles ug rollers aron hinay-hinay kining mabalhin nga dili bungkagon.
Gibalhin ang kastilyo niadtong 2015 aron mahatagan og lugar ang pag-ayo sa bato nga pader nga nadaot tungod sa kusog nga linog, ug nahuman ang pag-ayo niini niadtong 2024.
Ang manual nga pagbira sa kastilyo nahuman na sa katapusan sa Agosto, diin mikabat sa 4,100 ka tawo ang natalang miapil sa pagbalhin niini og lima ka metros, samtang mga makina ang mogamit sa nahibiling bahin sa pagbalik niini sa orihinal nga pwesto.
