Pormal nga gihangyo sa mga prosecutor sa International Criminal Court o ICC nga isumite ang written testimony ug mga exhibit sa key witness nga si P-1100 sa kaso batok kang kanhi Pangulong Rodrigo Duterte.
Matud ni Acting Prosecutor Mame Mandiaye Niang, makatabang ang paggamit sa naunang recorded statements aron mapamubo ang live examination sa saksi gikan sa pito ka oras ngadto sa duha ka oras lamang.
Gikonsiderar usab sa prosecution ang kasamtangang kahimtang sa panglawas sa kanhi pangulo sa ilang maong lakang.
Gipasiugda sa prosecution nga ang testimonya ni P-1100 kay relevant, reliable ug probative alang sa paglilitis sa kaso.
Matud pa nila, naghatag usab ang maong pahayag og importanteng ebidensya may kalabotan sa giingong modus operandi sa Davao Death Squad.
Apil usab sa testimonya ang mga detalye bahin sa giingong individual criminal responsibility ni Duterte sa mga alegasyon batok kaniya.
