11 ka tawo patay sa avalanche sa Mount Mizhirgi sa Russia

Anaa sa 11 ka tawo ang namatay samtang unom pa ang nasamdan human nahitabo ang usa ka ‘avalanche’ sa Mount Mizhirgi nga nahimutang sa Kabardino-Balkaria Region sa North Caucasus sa Russia.

Giisip nga usa sa labing taas nga bukid sa Russia ang Mount Mizhirgi, diin mokabat sa 33 ka ‘climbers’ ang naapektuhan sa insidente.

Luwas nang nakanaog gikan sa bukid ang 10 ka climbers, samtang wala pa matino ang kahimtang sa unom pa ka uban.

Nagtambayayong na ang kapin 50 ka emergency workers sa search and rescue operation, apan naglisod ang pipila kanila tungod sa lisod nga kahimtang sa yuta ug padayon gihapong hulga sa ‘avalanche’.