Labaw 80 ka road section ug tulay sa lain-laing rehiyon sa nasod ang hingpit nang na-“cleared” ug nahimo nang maagian pag-usab sa mga sakyanan human sa sunod-sunod nga clearing operations human miigo ang mga bagyo ug kusog nga habagat.
Sumala sa National Disaster Risk Reduction and Management Council o NDRRMC, temporaryong dili maagian ang maong mga kalsada tungod sa mga pagdahili sa yuta, natumbang mga kahoy ug grabeng pagbaha.
Pinaagi sa Department of Public Works and Highways o DPWH ug mga lokal nga panggamhanan, dali nga nahawiran ang mga debris o sagabal aron mabalik ang dagan sa transportasyon ug mapadangat ang mga relief supplies ngadto sa mga apektadong residente.
Base sa pinakabag-ong tala sa gobyerno, milapas sa P6 bilyong ang kinatibuk-ang kadaot sa public infrastructure sa mga rehiyon sa Ilocos, Cagayan Valley, Central Luzon, CALABARZON, MIMAROPA ug Cordillera Administrative Region o CAR.
Giawhag gihapon sa NDRRMC ang mga biyahero nga mag-amping sa pagmaneho, ilabina sa mga bukid-bukid nga kalsada nga posibleng makaagom pag-usab og pagdahili sa yuta kung mag-ulan.
