Pito na ang gikumpirmang namatay samtang siyam pa ang padayon nga gipangita human mahitabo ang kusog nga pagbuto ug grabe nga sunog sa Amur Gas Chemical Complex sa Russian Far East.
Base sa unang mga report, nahitabo ang insidente samtang gipahigayon ang “start-up operations” sa maong dakong pasilidad.
Kapin 150 ka mga trabahante usab ang nakaangkon og nagkalain-laing matang sa samad ug kadaot sa lawas tungod sa insidente.
Ang Amur Gas Chemical Complex usa ka dakong joint petrochemical project tali sa Russia ug China nga gitukod sa maong rehiyon aron mapalambo ang produksyon sa mga kemikal ug enerhiya.
Nagpadayon ang lapad nga search and rescue operations sa mga otoridad aron pangitaon ang mga missing nga trabahante, samtang gilunsad usab ang lawom nga imbestigasyon aron matino ang hinungdan sa pagbuto.
