Mitungha ang mga bag-ong talagsaon nga ngalan nga susama sa mga hayop nga giingong nakadawat og confidential funds gikan sa Office of the Vice President (OVP) sa ika-17 nga adlaw sa impeachment trial.
Sa direct examination sa prosecution counsel nga si Atty. Amando Ligutan, gipangutana niya ang hostile witness nga si Gina Acosta kung nakita ba mismo niya nga gihatag sa kanhi security chief ni Duterte nga si Col. Raymund Dante Lachica ang tig-P100,000 gikan sa confidential funds ngadto sa mga recipient nga “Antonio Pagong” ug “Timon Andrew Pusa.”
Gipakita usab sa prosekusyon ang mga acknowledgement receipt diin makita ang ngalan nga “Don Piang” nga nakadawat og P250,000 ug “May Pamana” nga nakadawat usab og P150,000.
Nakasulat usab sa usa ka resibo ang ngalan nga “Shane Ngitngit” nga giingong nakadawat og P150,000 gikan kang Col. Lachica.
Gipatin-aw ni Ligutan nga ang pulong nga “ngitngit” sa Bisaya nagpasabot og “madilim.” Iyang gi-konektar kini sa nauna nang gipakitang resibo nga adunay kuwestiyonableng ngalan nga “Andy Lim.”
Mitungha usab ang ngalan nga “Xuniso P. Belat,” nga giingong nakadawat og P100,000.
Sa dihang gipangutana ang testigo bahin sa maong mga transaksiyon, kanunay niyang tubag nga wala niya personal nga nakita ang paghatag ni Col. Lachica sa kwarta ngadto sa mga recipient.
Matod niya, nagsalig lamang siya sa mga dokumentong gisumite ni Lachica tungod kay si Lachica ang maoy nagpatuman sa pag-release sa confidential funds
