Andam ang prosecution team nga ibalik sa hapon hangtod gabii ang impeachment trial batok kang Vice President Sara Duterte aron mas mapadali ang pagkompleto sa paglilitis.
Matud ni prosecutor ug Manila Representative Joel Chua, uyon sila sa sugyot sa mga senador nga mahimong ibalhin ang impeachment trial gikan sa buntag ngadto sa hapon.
Base sa gisugyot nga schedule, mahimong magsugod ang paglilitis alas-2:30 sa hapon ug molungtad hangtod alas-7:30 sa gabii.
Matud ni Chua, uyon sila niini kung makatabang kini sa pagpadali sa proceedings ug aron dili na molangan pa ang hustisya.
Sa pagsugod sa impeachment trial, alas-3 sa hapon kini ginahimo, apan sa dihang mibalik na sa regular session ang duha ka kapulungan sa Kongreso, gibalhin ang impeachment proceedings sa buntag, gikan alas-10 hangtod alas-3 sa hapon.
Apan namatikdan nga hinay ang dagan sa paglilitis, hinungdan nga nabalaka ang uban nga mahimong molungtad pa kini hangtod Pasko, ilabina nga adunay legislative work ang Senado.
Sa pagkakaron, usa pa lamang ka article ang nahuman, samtang gisugdan pa ang Article 1 nga may kalabotan sa giingong misuse sa confidential funds.
