Gitimbang pa sa House prosecution panel kung isalang ba isip testigo si Ramil Madriaga sa impeachment trial ni Vice President Sara Duterte.
Matud ni House prosecutor Terry Ridon, wala pa makahimo og pinal nga desisyon ang panel kabahin sa pagtestigo ni Madriaga, nga pipila na ka higayon gikuwestyon sa depensa ang iyang kredibilidad.
Kahinumdoman nga nagsumite og ikaduhang reklamo sa perjury ang kampo sa bise presidente batok kang Madriaga, nga giakusahan sa paghimo og bakak nga mga pahayag sa iyang supplemental affidavit.
Nabalik pag-usab ang maong isyu human gihulagway ni Atty. Paolo Panelo ang posibleng pag-atubang ni Madriaga sa pagdungog isip “funeral” sa prosekusyon, ug miingon nga lamuyon siya sa depensa atol sa cross-examination.
Apan gikuwestyon ni Ridon ang pagkomento ni Panelo sa witness strategy sa prosekusyon, bisan pa nga dili man kini miyembro sa depensa.
Gidugang pa sa House prosecutor nga giisip si Madriaga isip common witness, busa wala matod pa kini nagpasabot og bisan unsang kakulang o pagkawala sa bentaha alang sa pikas nga kampo.
