Miubos sa record-low nga 9.7 percent ang poverty rate sa Pilipinas niadtong 2025, base sa pinakabag-ong taho sa Philippine Statistics Authority.
Bugti kini sa gibanabanang 6.5 million ka mga Pilipino nga nakalingkawas gikan sa kakabus sulod sa mga tuig 2023 hangtod 2025.
Sumala sa Department of Economy, Planning, and Development, mas sayo nga naabot sa nasud ang gitumong nga single-digit poverty rate ubos sa Philippine Development Plan.
Gipunting sa pamunuan sa ahensiya nga dako ang natampo sa maong kalampusan nga mga targeted assistance ug mga inisyatiba nga nagtinguha sa pagpakunhod sa kalainan sa kita sa mga residente.
Natala usab sa ahensiya sa estadistika ang gibanabanang 22 percent nga pagtaas sa nominal income sa nagkalain-laing lebel sa kita gikan sa 2023 hangtod 2025, samtang napabilin lamang sa lima ka porsiyento ang cumulative inflation niining maong mga tuig.
Samtang, gitumong sa World Bank ang kahinungdanon sa pagpadayon sa maayong dagan sa ekonomiya pinaagi sa pagmugna og de-kalidad nga mga trabaho, inclusive growth ug mas gipalapad nga social protection.
Lakip sa mga pangunang sugyot niini ang pagpalig-on sa mga programa sama sa 4Ps aron magpadayon ang pagpanalipod sa mga huyang nga sektor ug mga pamilya.
